ഇക്കാലഘട്ടത്തില്‍ പലരുടെയും ആരോഗ്യകരമായ പ്രധാന പ്രശ്‌നമങ്ങളിലൊന്നാണ് അധിക കൊളസ്ട്രോള്. സ്റ്റാറ്റിനുകള്‍ കഴിച്ചിട്ടു പോലും പലരുടെയും കൊളസ്ട്രോള് കുറയാത്ത സാഹചര്യമുണ്ട്. ഇതിനുള്ള കാരണം വ്യക്തമാക്കുകയാണ് പോഷകാഹാര വിദഗ്ധയായ അഞ്ജലി മുഖര്‍ജി. ഇന്‍സ്റ്റഗ്രാമില്‍ പങ്കുവച്ച വീഡിയോയിലാണ് ഇക്കാര്യം വ്യക്തമാക്കിയത്.
രക്തത്തില്‍ കാണെപ്പെടുന്ന ഒരു വാക്‌സിനാണ് കൊളസ്ട്രോള്. ഇത് ശരീരത്തിന്റെ ശരിയായ പ്രവര്‍ത്തനത്തിന് അത്യാവശ്യമാണ്. എന്നാല്‍ മോശം കൊളസ്ട്രോള് ശരീരത്തിന് ദോഷം ചെയ്യും. ഇത് രക്തധമനികളില്‍ അടിഞ്ഞുകൂടി ഹൃദയാഘാതം, പക്ഷാഘാതം, തുടങ്ങിയ ഗുരുതരമായ പ്രശ്നങ്ങള്ക്ക് കാരണമാകുന്നു. ഒരു ലക്ഷണവും കാണിക്കില്ല എന്നതാണ് ഇതിന്റെ ഏറ്റവും അപകടകരമായ കാര്യം. വറുത്തതോ കൊഴുപ്പുള്ളതോ ആയ ഭക്ഷണങ്ങള്‍ ധാരാളം കഴിക്കുന്നത്, വ്യായാമ കുറവ്, പാരമ്പര്യമായി ഹൃദ്രോഗം ഉള്ളവര്‍ തുടങ്ങിയവരിലാണ് സാധാരണയായി കൊളസ്ട്രോള് കണ്ടുവരുന്നത്. രക്തപരിശോധനയിലൂടെ മാത്രമേ ഇത് കണ്ടെത്താന്‍ സാധിക്കൂ എന്നാണ് അഞ്ജലി വീഡിയോയില്‍ പറയുന്നത്.
പലരും സ്റ്റാറ്റിനുകളാണ് കൊളസ്ട്രോള് കുറയാന്‍ കഴിക്കുന്നത്. കൊളസ്ട്രോള് ഉത്പാദിപ്പിക്കുന്ന കരളില്‍ HMG-CoA റിഡക്‌റ്റേസ് എന്ന എന്‍സൈമിനെ തടഞ്ഞുകൊണ്ട് LDL കൊളസ്ട്രോള് കുറയ്ക്കാന്‍ സഹായിക്കുന്ന മരുന്നുകളാണ് സ്റ്റാറ്റിനുകള്‍. ഈ പ്രക്രിയ രക്തത്തിലെ 'മോശം' കൊളസ്‌ട്രോളിന്റെ അളവ് കുറയ്ക്കുകയും ധമനികള്‍ അടഞ്ഞുപോകുന്നതിനും ഹൃദയസംബന്ധമായ പ്രശ്‌നങ്ങള്‍ക്കും സാധ്യത കുറയ്ക്കുകയും ചെയ്യുന്നു.
സ്റ്റാറ്റിനുകള്‍ കഴിക്കുന്നുണ്ടെങ്കിലും കൊളസ്ട്രോള് കുറയുന്നില്ലേ? ഇങ്ങനെ സംഭവിക്കുന്നതിന്റെ രണ്ട് പ്രധാന കാരണങ്ങള്‍ അഞ്ജലി മുഖര്‍ജി വിശദീകരിക്കുന്നു.
1 കൂടുതല്‍ കാര്‍ബോഹൈഡ്രേറ്റ്‌സ്ശുദ്ധീകരിച്ച പഞ്ചസാര മാത്രമല്ല പ്രശ്നങ്ങള്ക്ക് കാരണമാകുന്നത്. അരി, റൊട്ടി, ധാന്യങ്ങള്‍ തുടങ്ങിയ സങ്കീര്‍ണ്ണ കാര്‍ബോഹൈഡ്രേറ്റുകളുടെ അമിത ഉപഭോഗവും ഒരു പ്രശ്നമാകാം. വളരെയധികം കാര്‍ബോഹൈഡ്രേറ്റ് കഴിക്കുന്നത് നിങ്ങളുടെ ശരീരം ഇന്‍സുലിന്‍ ഉത്പാദിപ്പിക്കാന്‍ കാരണമാകുന്നു, ഇത് സ്റ്റാറ്റിനുകള്‍ തടയാന്‍ ശ്രമിക്കുന്ന HMG-CoA റിഡക്‌റ്റേസ് എന്ന എന്‍സൈമിനെ വീണ്ടും സജീവമാക്കുന്നു. ഇതിന് മരുന്ന് നല്‍കിയാലും കരള്‍ കൂടുതല്‍ കൊളസ്ട്രോള് ഉത്പാദിപ്പിക്കുന്നതിന് കാരണമാകുന്നു.2 വിട്ടുമാറാത്ത വീക്കംതുടര്‍ച്ചയായ വീക്കം കരളിനെ കൂടുതല്‍ കൊളസ്ട്രോള് ഉത്പാദിപ്പിക്കാന്‍ പ്രേരിപ്പിക്കുന്നു, ഇത് കൊളസ്ട്രോള് മാനേജ്‌മെന്റിനെ കൂടുതല്‍ സങ്കീര്‍ണ്ണമാക്കുന്നു.
Content Highlights: This is the reason why cholesterol cannot be controlled even after taking statins; Dr. Anjali Mukherjee with video